Dy të burgosur shqiptarë kanë mundur të arratisen nga kompleksi i ri i burgut në komunën e Civitavecchias në provincën e Romës.
Policia e burgjeve ka informuar për mediat se dy të burgosurit shqiptarë janë arratisur nga zona e “ajrimit” duke kapërcyer murin rrethues.
Sipas policisë së burgjeve arratisja e tyre është sinjalizuar menjëherë nga sistemi i alarmit. Mediat italiane duke iu referuar të dhënave të policisë kanë mundur të zbardhin edhe identitetin e tyre: Njëri është Lekë Luca 42 vjeç dhe tjetri Roland Dajlani 33 vjeç.
Policia ka nisur kërkimet në të gjithë territorin italian dhe me ndihmën e një helikopteri.
Shfaq Komentet (0)